నాడు తల్లి సెంటిమెంటుతో యమలీల.. నేడు తండ్రి సెంటిమెంటుతో ఎల్.వై.ఎఫ్!

 నాడు తల్లి సెంటిమెంటుతో యమలీల.. నేడు తండ్రి సెంటిమెంటుతో ఎల్.వై.ఎఫ్!

మనిషా ఆర్ట్స్ బ్యానర్ పై అన్నపరెడ్డి స్టూడియోస్ నిర్మాణంలో పవన్ కేతరాజు దర్శకత్వంలో ప్రేక్షకులు ముందుకు వచ్చిన చిత్రం ఎల్ వై ఎఫ్. తండ్రి కొడుకుల మధ్య సెంటిమెంట్ తో ఏప్రిల్ 4న ఈ చిత్రం ప్రేక్షకుల ముందుకు వచ్చింది. అయితే ఏప్రిల్ 3న మీడియా వారికి ప్రీమియర్ షో వేయడం జరిగింది. ఈ సినిమాలో శ్రీ హర్ష, కషిక కపూర్ జంటగా నటించారు.ఎస్పీ చరణ్ తండ్రి పాత్రలో ప్రవీణ్, రఘు బాబు, చత్రపతి శేఖర్, భద్రం, షకలక శంకర్, శాంతి కుమార్, బంటి తదితరులు కీలకపాత్ర పోషించారు. 

ఈ సందర్భంగా చిత్ర నిర్మాత రామస్వామి రెడ్డి మాట్లాడుతూ... "నేను చిన్నప్పటి నుండి మెగాస్టార్ చిరంజీవి గారి వీరాభిమానిని. చిన్నపటి నుంచి ఆయన్ని స్ఫూర్తిగా తీసుకున్నాను. నా కొడుకు డ్యాన్స్ చేస్తుంటే చిరంజీవి గారిలా చేస్తున్నాడని మురిసిపోయేవాడిని. మా అబ్బాయి సినిమాల్లోకి వెళ్తాను అన్నప్పుడు ఎంతో సంతోషించాను. చిరంజీవి గారిని చూస్తూ పెరిగిన నా కొడుకు కూడా అంత గొప్ప నటుడు అవ్వాలని మనస్పూర్తిగా కోరుకుంటున్నాను. ఈ చిత్రం కోసం ఫిలిం ఇన్స్టిట్యూట్ లో చేరి ఎంతో కష్టపడి ఎన్నో విషయాలు నేర్చుకున్నాడు. ఈ చిత్రం చూసిన మీడియా వారంతా ఎంతో పాజిటివ్ గా రెస్పాండ్ అయ్యారు. చిత్రం మంచి విజయం సాధిస్తుందని కోరుకుంటున్నాను" అన్నారు. 

మరో నిర్మాత కిషోర్ రాఠి మాట్లాడుతూ... "అమ్మ సెంటిమెంట్తో మా బ్యానర్ లో వచ్చిన యమలీల చిత్రం ఎంతో గొప్ప విజయాన్ని సాధించింది. ఇప్పుడు నాన్న సెంటిమెంట్తో వచ్చిన ఈ లవ్ యువర్ ఫాదర్ చిత్రం కూడా అంతే స్థాయిలో మంచి విజయం సాధిస్తుందని కోరుకుంటున్నాను. ఈ చిత్రం చూసిన వారంతా చాలా బాగుందని తమ ఉద్దేశం తెలియజేశారు" అని అన్నారు. 

హీరో శ్రీ హర్ష మాట్లాడుతూ... "ఈ చిత్రం చూసి నన్ను ఆశీర్వదించేందుకు వచ్చిన వారందరికీ నా నమస్కారం. చిత్రం కోసం మేము ఎంతో కష్టపడ్డాము. మీడియా వారి అందరికీ నచ్చిందని తెలిసింది. వారి సైడ్ నుండి పాజిటివ్గా రెస్పాన్స్ రావడం అనేది, నాకు నేను పడిన కష్టమంతా మరిచిపోయి ఎంతో సంతోషపడే విధంగా అనిపించింది. నన్ను సపోర్ట్ చేసిన ప్రతి ఒక్కరికి నా థాంక్స్. ముఖ్యంగా ఈ చిత్రంలో నాకు తండ్రిగా నటించిన ఎస్పీ చరణ్ గారికి అలాగే మా నాన్నగారికి  ఎంతో రుణపడి ఉంటాను" అన్నారు. 

ఈ సందర్భంగా ప్రీమియర్ షోస్ ద్వారా సినిమాని చూసిన మీడియా వారు సినిమా చాలా అద్భుతంగా ఉందని స్పందనను తెలిపారు. ఈ చిత్రం టెక్నికల్ గా అలాగే ప్రతి విషయంలోనూ ఎంతో బాగుందని, శ్రీహర్ష కొత్త నటుడిలా అనిపించలేదని తన పెర్ఫార్మన్స్ తో ఎంతో మెప్పించారని వారు తెలిపారు. అలాగే నిర్మాణ విలువలు దర్శకత్వపు ఆలోచనలు ఎంత అద్భుతంగా ఉన్నాయని తెలిపారు.

సినిమా పేరు : ఎల్ వై ఎఫ్ - లవ్ యువర్ ఫాదర్

నటీనటులు : శ్రీహర్ష, ఎస్పీబి చరణ్, కషిక కపూర్, ప్రవీణ్, చత్రపతి శేఖర్, రఘు బాబు, భద్రం, షకలక శంకర్, శాంతి కుమార్, బంటి తదితరులు. 

రచన, దర్శకత్వం : పవన్ కేతరాజు 

డైలాగ్స్ : నాగ మాధురి 

సంగీత దర్శకుడు : మణిశర్మ 

బ్యానర్స్ : అన్నపరెడ్డి స్టూడియోస్, మనిషా ఆర్ట్స్ 

నిర్మాతలు : రామస్వామి రెడ్డి, కిషోర్ రాఠీ, మహేష్ రాఠీ, ఎ. సామ్రాజ్యం, ఎ. చేతన్ సాయిరెడ్డి. 

ఆర్ట్: శంకర్ చిడిపల్లి 

కాస్ట్యూమ్ డిజైనర్ : భావన పోలేపల్లి 

కాస్ట్యూమర్ : రాంబాబు 

కొరియోగ్రఫీ : మొయిన్ 

ఎడిటర్ : రామకృష్ణ 

డిఓపి : శ్యామ్ కే నాయుడు

PRO : మధు విఆర్